كودي رودس أتصاب كتير خلال الفترة الي فاتت بس هو البطل في لعبة WWE 2K24
من ساعة رجوعه لشركة WWE في ريسلمانيا 38، البطل كودي رودس سجل لحظات أسطورية كتير في قلوب كل المتابعين. بس مش لحظة زي اللي حصلت في عرض Hell in a Cell سنة ٢٠٢٢، لما لعب وهو مصاب في عضلة الصدر ضد سيث رولينز.
عشان كده، شركة 2K سبورتس قررت تخلد اللحظة دي في لعبة المصارعة الجديدة بتاعتهم، WWE 2K24.
في اللعبة دي، اللاعبين يقدروا يلعبوا بكودي رودس في نسخة خاصة، اتعملت بالتعاون مع شركة ماتيل للالعاب. الشخصية دي مميزة جدًا عشان بتظهر بيها الصدر اللي كان مصاب في ماتش Hell in a Cell اللي خلاه اسطورة.
طيب ازاي تفتح الشخصية دي؟ عشان تفتح شخصية Elite Cody Rhodes في WWE 2K24 لازم تعرف إن الشخصية دي مش موجودة من الأول في اللعبة، لازم تشتريها.
تقدر تحصل على الشخصية عن طريق شراء حزمة Nightmare Family Pack اللي بتكون موجودة تلقائي للناس اللي يطلبوا اللعبة مسبقًا (Pre-Order) بالنسخة العادية. اما اللي مش هيطلبوا اللعبة مسبقًا، يقدروا يشتروا حزمة Nightmare Family Pack لوحدهم.
لما تشتري إصدار Deluxe أو the Forty Years of Wrestlemania edition، حزمة Nightmare Family Pack هتكون موجودة جاهزة، ومش محتاج تشتريها لوحدها. الحزمة مش بس فيها نسخة كودي رودس اللي بتشبه الالعاب من شركة ماتيل، لا كمان فيها حاجات تانية حلوة زي كلبه “فرعون” اللي يطلع معاه كـ “مانجر”.
الحزمة الكاملة فيها:
Elite Cody Rhodes
داستي رودس (من سنة ١٩٧٦) + بطاقة MyFACTION
ستاردست
كودي رودس (قبل ما يشتهر)
“النجم الكبير” بيلي جراهام
بطاقة MyFACTION خاصة بـ فرعون كـ “ماناجر”
الناس اللي يطلبوا اللعبة مسبقًا أو اللي يشتروا إصدار Deluxe أو Fortieth Year of WrestleMania هيوصل لهم كودي رودس (Elite) تلقائي لما يفتحوا اللعبة.
